××ممـكن أسأل ×× بقـلمى ××

ممكن أسأل


قالوا الشمس خلاص هترحل
قلت الضلمه بتبقي اجمل
جه الليل وفضلت اسأل
هي النجوم من القمر بتخجل
والورد ممكن في عوده يدبل
ممكن اسأل

الدنيا فجاه تبقي ضلمه
من غير نجوم أو قمر
جوه روحك تلاقي عتمه
واليأس جواك بقي شجر
أوراقه تكبر وفروعه تطول

ممكن أسأل
من غير طريق أمشي فيه
أو ارض احط رجلي عليها
من غير حبيب لما احزن ألاقيه
أو أم انسي همومي في ايديها
ايه في الدنيا ممكن يفضل

ممكن أسأل
من غير أمل في دنيا جايه
وماضي كله عاوزه انساه
ورده دبلت ومفيش مايه
وعودها دبل وضاع معناه
وروحها من حياتها بدأت ترحل

ممكن أسأل
ليه الشمس كتير بترحل
وليه الضلمه مبقتش أجمل
والليل بيجي وبطلت اسأل
ومفيش نجوم من قمر بتخجل
والورد كتير في عوده بيدبل

ممكن أسأل

معلمه بجد

شكرا ليكى على الكلام الرائع ده

ماتخفيش اسالى و قابلنى لو حد عبرك هههههههه
لا جامدة بس سؤال ليه كل حاجاتك حزاينى انتى يا بت مجروحة من حاجة قريب ولا ايه؟؟؟
البوى فريند سافر ولا ايه

ميرسى ليكوووووووو

بلاش احراج يا واد يا نير..