متخبيش علـيك،،،بـقلـمى؟؟

ماخبيش عليك..بدور بلاقى..حبك فيه باقى..وأشوف روحى فيك..

ماخبيش عليك..فى لهفه وفى شوق..ودم العروق..بقا بيجرى بيك..

ماخبيش عليك..بحاول أتوه..ثوانى وبفوق..وقلبى يناديك..

ماخبيش عليك..بتبقى كئيبه..حياتى وغريبه..لو مش بتلاقيك..

ماخبيش عليك..أنا عايشه منك..وعاشقه ولو انك..كل القسوه فيك..

ماخبيش عليك..بحاول وبفشل..وبتعب ولا أقدر..وأرجع تانى ليك..

ماخبيش عليك..بحارب عنادى..وأغير حياتى..برضه حاسه بيك..

ماخبيش عليك..ببص لبعيد..على شوق جديد..مافيش غير عينيك..

ماخبيش عليك..بنام فوق كرهتك..وبصحى ب بحبك..وأدور عليك..

ماخبيش عليك..واحشنى غرامك..ونفسى ف كلامك..ولمسه ايديك..

مخبيش عليك..مخصماك ونفسى..أجيلك بنفسى..عشان دايبه فيك..

ماخبيش عليك..لو انك جارحنى..وناسى ودابحنى..مش بدعى عليك..

ماخبيش عليك..بقولها وبخبى..وزعلانه من قلبى..ليه بيحب فيك..

ماخبيش عليك..أنت عمرى ليك..كل الدنيا بيك..لو مش حب فيك..كنت أمووت عليك